Россия ва Туркия президентлари Владимир Путин ҳамда Ражаб Тоййиб Эрдўған ўртасида бўлиб ўтган Сочидаги музокаралар 4,5 соат давом этди, деб хабар берди ТАСС нашри.
Унинг якунида эса томонлар бир хулосага келишган. Путин учрашув натижаларига изоҳ берар экан, Россия ва Туркия Суриянинг Идлиб вилоятида қуролланган мухолифат ва ҳукумат қўшинлари тўқнашиш чизиғи бўйлаб қуролсизлантирилган ҳудуд ташкил этишга келишиб олганини маълум қилган. Ҳудудни Туркия қуролли кучлари бўлинмаларининг ҳаракатчан патрул гуруҳлари ва Россия ҳарбий полицияси назорат қилади.
