Жанубий Африканинг Кейптаун шаҳрида норозилик намойишлари бўлиб ўтмоқда, деб хабар берди, РИА новости нашри.
Одамлар мамлакатда қашшоқлик, ишсизлик, коррупция ва зўравонлик авж олаётганидан норози. Улар ҳукуматдан бунга қарши зарурий чоралар кўрилишини талаб қилишмоқда. Намойишчиларга қарши полиция кўздан ёш оқизувчи моддадан фойдаланишга мажбур бўлмоқда.
Бу эса одамларнинг янада ғазабланишига олиб келди. Маълумот сифатида айтиш мумкинки, Жанубий Африкада ҳозирга келиб ишсизлик даражаси 27 фоизга етган.
