Македония Республикасининг собиқ Бош вазири Никола Груевский Венгриядан сиёсий бошпана сўради, деб хабар бермоқда MC Around the World нашри.
“Сўнгги бир неча кун ичида мен Будапештда бўлдим ва Венгрия ҳукуматидан бошпана сўрадим”, – деб ёзади сиёсатчи ўзининг Facebookдаги саҳифасида.
Жорий йилнинг май ойида Груевский Mercedes-Benz зирҳли автомобилни сотиб олаётган вақтида ўз лавозимини суиистеъмол қилгани учун қўлга олинган ва 2 йилга озодликдан маҳрум қилинган эди. У давлат бюджетидан 600 минг евро миқдорида маблағни ўғирлагани маълум бўлган.
