Олий ва ўрта махсус таълим вазирлиги матбуот хизмати хабарига кўра жорий ўқув йилида олий таълим муассасаларининг иккинчи ва ундан юқори курсида таҳсил олаётган талабалар учун белгиланган тўлов-контракт миқдорининг биринчи ярмини тўлаш муддати жорий йилнинг 31 декабри (шу куни ҳам) этиб белгиланди.
Шунингдек, мазкур муддат олий таълим муассасаларининг бакалавриатига 2018-2019 ўқув йили қабулида кириш синовлари натижасига кўра етарли балл тўпламаган ва оширилган тўлов-контракт асосида ўқиш истагини билдирган абитуриентлар ва Ўзбекистонда ўқиётган хорижий фуқароларга ҳам тегишлидир.
