Боливияда шиддатли сув тошқинлари ҳамон давом этмоқда, дея маълум қилмоқда Репорт нашри.
Маҳаллий ОАВ тарқатган хабарларга кўра, 21 киши табиий офат туфайли қурбон бўлган. Яна 11 нафари бедарак йўқолгани қайд этилди. Мамлакатдаги автомобиль йўлларининг деярли 80 фоизига зарар етган. Мактаблар ёпилган.
Шу каби ҳолатни қўшни Перуда ҳам кузатиш мумкин. Бу ерда ҳам 10 нафар инсон тошқин натижасида келиб чиққан ер кўчкиларида ҳалок бўлган. Юзлаб инсонлар бошпанасидан ажралган.
