“Eriell” халқаро нефть сервиси компанияси Ўзбекистон ҳудудида бурғилаш ва қазиш ишларини амалга оширмоқда. Бурғилаш ишларида компаниянинг субпудрат ташкилотлари ва 144 нафар хорижлик супервайзер-мутахассис ва муҳандиси фаол иштирок этмоқда. Компаниянинг 48 бурғилаш ускунаси, шунингдек, 120 оғир техника ва автотехника жалб қилинган.
Маълумотларга кўра, бугунги кунда 630 минг метрдан ортиқ тош жинслари бурғиланган, 203 қудуқда бурғилаш ишлари якунланган.
“Eriell” компанияси билан ҳамкорлик қилишдан яна бир мақсад бор. Шу орқали “Ўзбурнефтгаз” акциядорлик жамиятининг техник жиҳозлаш ва бурғилаш ускуналарини модернизация қилишга эришиш режалаштирилган.
