Американинг Чикаго шаҳри ҳайвонот боғида шарқий қора каркидон дунёга келди, деб хабар қилмоқда Lenta.ru нашри.
Ушбу тур жониворлар йўқолиб кетиш арафасида турибди.
13 яшар Капуки (Kapuki) лақабли урғочи соппа-соғ каркидончани дунёга келтирди.
Мазкур каркидонлар ўтган асрнинг етмишинчи-тўқсонинчи йиллари браконьерлар томонидан қирила бошлаган, негки уларнинг шохлари қимматбаҳо ҳисобланади. Бугунги кунга келиб ноёб жониворларни асраб қолишга қаратилган саъй-ҳаракатлар натижаси ўлароқ, қора каркидонларнинг сони 5 мингтага етди.
