Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги ҳамда Ўзбекистон Футбол ассоциацияси билан ҳамкорликда ОАВ ва матбаа корхоналари ходимлари учун ташкил этилган “МediaUz – футбол ҳафталиги” давом этмоқда.
Турнирда, айниқса, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги тизимидаги “Ўзбекистон” нашриёт-матбаа ижодий уйи жамоаси муваффақиятли иштирок этмоқда.
Футбол ҳафталигининг иккинчи, яъни 25 август куни “Ватанпарвар” газетаси жамоасига қарши кечган ўйинда “Ўзбекистон” НМИУ жамоаси 4:1 ҳисобида ғалабани қўлга киритди.
Шу куннинг ўзида иккинчи матч, яъни “Ёшлар овози” газетаси жамоаси билан бўлиб ўтган ўйинда 0:0 ҳисоби қайд этилиб, “Ўзбекистон” ноширлари 7 очко билан кейинги турга чиптани қўлга киритишди.
26 август куни эса “Ўзбекистон” НМИУ футболчи-ноширлари “Ёшлар иттифоқи” жамоасига қарши майдонга тушиб, 4:2 ҳисобидаги ғалаба билан чорак финалга йўл олишди.
Эртага, 27 август куни соат 19:00 да “Ўзбекистон” ноширлари “Спорт” телеканали жамоасига қарши яшил майдонга тушишади.
Эслатиб ўтамиз “МediaUz – футбол ҳафталиги” 29 августга қадар давом этади.
“Ўзбекистон” нашриёт-матбаа ижодий уйи
Матбуот хизмати
