Бу йилдан грин-карта учун қизил паспорт (хорижга чиқиш паспорти) рақамларини киритиш керак бўлади( яшил эмас, қизил).
Бу янгилик, айниқса, Ўзбекистондан ташқарида яшил (ёки муддати тугаган) паспорт билан юрганларга қаттиқ таъсир қилади — улар бу йили грин-карта ўйнай олмайдилар. Бундан ташқари, АҚШда ноқонуний юрган ўзбекистонликлар ҳам энди грин-карта орқали ўз ҳолатларини легаллаштиришлари муаммога айланади.
Шунингдек, янги қоидаларга кўра анкетага фақат тўлдирувчининг паспорт рақами киритилади. Яъни, сиз асосий даъвогар бўлсангиз, сизнинг паспортингиз рақами киритилади; турмуш ўртоғингиз ёки фарзандларингизники керак бўлмайди. Аммо агар турмуш ўртоғингиз ҳам алоҳида ўйнамоқчи бўлса, у ҳолда иккинчи анкетага унинг паспорт рақами киритилади.
