1 октябрь куни Россия Федерацияси Федерал Мажлиси Федерация Кенгаши Раиси Валентина Матвиенко мамлакатимизга ташриф буюргани ҳақида хабар берган эдик. Мартабали меҳмонни Ислом Каримов номидаги “Тошкент” халқаро аэропортида Ўзбекистон Республикаси Олий Мажлиси Сенати Раиси Танзила Нарбаева, Ўзбекистон Республикаси ташқи ишлар вазирининг биринчи ўринбосари Илҳомжон Неъматов, Россия Федерациясининг Ўзбекистондаги Фавқулодда ва Мухтор Элчиси Владимир Тюрденев ва бошқа расмий шахслар кутиб олди.
Шу куни Валентина Матвиенко Ўзбекистон давлат академик рус драма театрига ташриф буюрди. Россия Федерацияси делегациясига “Банкрот или свои люди сочтемся” номли спектакль намойиш этилди.
Бугун, 2 октябрь куни Валентина Матвиенко Мустақиллик майдонига ташриф буюриб, Мустақиллик ва эзгулик монументи пойига гулчамбар қўйди. Сўнг Олий Мажлис Сенатига пиёда борди.
Ташриф давом этмоқда.
Фотомухбиримиз Омил Хакимов ушбу жараёндан фоторепортаж тайёрлади.
