Сенатнинг йигирма учинчи ялпи мажлисида дарахтларни ноқонуний кесиш, уларни тамғалаш масалалари ҳам муҳокама этилди.
Ушбу масала бўйича Сирдарё вилояти ҳокими, сенатор Ғ. Мирзаев қуйидагича таклиф билдирди:
“Таклифим шуки, дарахтларни асраб қолиш учун уларни паспортлаш, тамғалаш керак. 10 ёшдан ошганларини рўйхатга олиш ҳам зарур. Қейинги масала ҳамма ўз билганича дарахтларни буталайверса, уларни “ногирон” қилиб қўямиз. Шунинг учун бу масалага илмий ёндашиш лозим.
Яна бир таклифим шуки, дарахтларни ёшига қараб жарималар миқдорини ҳам кўпайтириб бориш керак. Шунда амалга оширадиган ишларимиз самараси сезилади”.
