2019 йилнинг 13 ноябр куни дунёда навбатдаги ГАТ куни нишонланади.
ГАТ куни (GIS Day) - бу халқаро географик ахборот тизимлари куни бўлиб, шу кунда ГАТ технологияларини ишлаб чиқувчилар ва фойдаланувчилар турли оммавий тадбирларни ўтказадилар: географик ахборот тизимлари тақдим этаётган имкониятларни намойиш қиладилар, очиқ дарслар ўтказадилар, ГАТ бўйича семинар ва тақдимотларни ташкил этадилар.
ГАТ кунини биринчи расмий нишонлаш 1999 йилда бўлиб ўтган. Бу йил ГАТ куни 13-ноябр куни нишонланади!
Изоҳланишича, ГАТ куни бу шунчаки воқеалик эмас, бу глобал ҳаракатдир. ГАТ куни университетларни, давлат идораларини, мактабларни, нотижорат ташкилотларни ва ГАТ мутахассисларини ГАТ билимлари ва биз яшаётган дунёни тушуниш учун бирлаштиради.
