Тошкентдан Санкт-Петербургга учган Uzbekistan Airways самолёти (HY633 қатнови) фавқулодда қўнишни амалга оширди.
Миллий авиакомпаниянинг хабар беришича, йўловчилардан бирининг саломатлиги ёмонлашгани сабабли, командир ҳаво кемасини энг яқин бўлган Қозон шаҳридаги аэропортга қўндирган.
Самолёт Санкт-Петербургга маҳаллий вақт бўйича соат 13:40 да етиб бориш кўзда тутилмоқда.
Қайд этиш жоизки, шунга ўхшаш ҳодиса 15 октябрда куни ҳам юз берган бўлиб, унда Фарғонадан Москвага парвоз қилаётган «Ўзбекистон ҳаво йўллари» самолёти йўловчининг аҳволи ёмонлиги сабабли Самара шаҳрига қўнишга мажбур бўлган. Шунингдек, 16 октябрь куни эрталаб Деҳли - Москва йўналиши бўйича SU -233 рейсида парвоз қилаётган, Россиянинг “Аэрофлот” авиакомпанияси самолёти Тошкентдаги Ислом Каримов халқаро аэропортига қўнган. Сабаблари бир хил.
