ЎзАнинг хабар беришича, “Юксалиш” умуммиллий ҳаракати томонидан ташкил этилган давра суҳбатида миллий тил ривожи бўйича амалга ошириш керак бўлган ишлар ва конструктив таклифлар берилган.
Суҳбатда қатнашаётган мутасаддилар ва журналистлар ўзбек тили ривожи учун амалга ошириш керак бўлган бир қанча қуйидаги таклифларни беришган:
- Давлат раҳбариятида фаолият юритаётган амалдорлар ўзбек тилини мукаммал билишини қонунан талаб этиш;
- ўзбек тили изоҳли луғатини деярли ҳар йили янгилаб мукаммаллаштириб чоп этиб бориш;
- ўзбек тилини ўрганувчи хорижликлар учун махсус алоҳида ўзбек тили грамматикасини ишлаб чиқиш;
- Ўзбекистонда мавжуд ҳар қандай ўқув муассасасида бошқа тил билан бирга давлат тилини ўргатишни мажбурий қилиш;
- Ўзбекистоннинг хориждаги элчихоналарида ўзбек тили ва маданияти марказларини ташкил қилиш;
- Давлат тили ва реклама тўғрисидаги Қонунни қайта ишлаб чиқиш.
“Юксалиш” умуммиллий ҳаракати раиси мазкур таклифлар қоғозда қолиб кетмаслигини билдирди.
