Бугун кун давомида Ўзбекистон ҳудуди устидан нисбатан совуқ ҳаво оқими ўтади. Кундузи ҳарорат бир оз пасайиб иқлимий меъёрларга яқинлашади, 18-23 даражани ташкил қилади.
Бир неча кун давомида антициклон таъсири сезилиб туради. Республика бўйича об-ҳаво камбулутли бўлиб, паст ҳарорат фони кузатилади, кечаси 3-8 даража илиқ, кундузи 18-23 даража илиқ бўлади. Бу кўрсаткичлар шу давр учун хос бўлган иқлимий меъёрлар атрофида. Иш ҳафтасининг охирига келиб антициклон шарққа томон силжийди ва босим пасаяди, бу ҳароратнинг озгина - 2-3 даражага кўтарилишига олиб келади.
