— 2003 йил турмушга чиққанман, 2 нафар фарзандим бор. Суд томонидан 2008 йил мартда қонуний ажрашганмиз. 1/3 қисм миқдорида алимент ундириш белгиланган. 2015 йил эса норозилигимга қарамай,
¼ қисмга келтиришди. 6 ойдан буён алимент тўламайди. МИБга эса боравериб чарчадим. Алиментни ундиришда ёрдам беринг, илтимос.
Сожида Ибрагимова, Нарпай тумани
Миродил МИРЗАБОЕВ, Мажбурий ижро бюроси бўлим бош инспектори:
Фуқаролик ишлари бўйича Каттақўрғон туманлараро судининг 2008 йил 12 мартдаги қарздордан ундирувчи фойдасига икки нафар фарзандининг моддий таъминоти учун 1/3 қисм миқдорида алимент ундириш тўғрисидаги ижро ҳужжати собиқ суд ижрочиларининг Нарпай тумани бўлими иш юритувига 2008 йил 18 апрелда келиб тушган.
Суднинг 2015 йил 21 октябрдаги ҳал қилув қарорига асосан али мент миқдори 1/3 қисмдан 1/4 қисм миқдорига камайтирилган. Шу суднинг 2019 йил 12 апрелдаги ижро варақасига асосан алимент миқдори 2/12 қисмига келтирилган. Қарздорнинг алимент қарзи қайта ҳисобланиб, 2019 йил 1 январга қадар бўлган 4 млн. 723 минг сўм алимент пуллари тўлиқ ундириб берилган. Олиб борилган ижро ҳаракатлари давомида қарздорнинг 2019 йил 1 январь кунидан 2019 йил 1 июль кунига қадар алиментдан бўлган қарздорлиги 2 млн. 172 минг 799 сўмни ташкил қилишлиги аниқланган. Почта алоқа бўлимининг 2019 йил 15 июлдаги тўлов ҳужжатига асосан 2 млн. 220 минг сўм алимент пуллари ундирилиб, ундирувчининг яшаш манзилига юборилган. Қарздорнинг жорий йилнинг 1 сентябрь кунига қадар алимент пулларидан 666 минг сўм қарздорлиги мавжуд бўлиб, ушбу қарздорлик ундириш юзасидан ижро ҳаракатлари олиб борилмоқда. Ундирувчи суднинг алимент миқдорини камайтириш тўғрисидаги қароридан норози бўлган тақдирда юқори турувчи судга мурожаат этиши лозим.
Садоқат АЛЛАБЕРГАНОВА
🔸 Саволингиз борми, мутахассислардан жавоб олиб берамиз!
✅ ҲУДУДИНГИЗДА ЕЧИМИНИ КУТАЁТГАН МАСАЛАЛАР ЭЪТИБОРДАН ЧЕТДА ҚОЛИШИНИ ИСТАМАСАНГИЗ, ЯШАШ МАНЗИЛИНГИЗ, ИСМ-ФАМИЛИЯНГИЗНИ ТЎЛИҚ ЁЗИБ, ШАХСИЙ ИМЗОНГИЗ БИЛАН БИЗГА МАКТУБ ЙЎЛЛАНГ.
📌 МАНЗИЛИМИЗ:
ТОШКЕНТ ШАҲРИ, АМИР ТЕМУР ШОҲ КЎЧАСИ 5️⃣3️⃣-УЙ.
АЛОҚА ИНДЕКСИ: 1️⃣0️⃣0️⃣0️⃣6️⃣0️⃣
САВОЛЛАРИНГИЗНИ (➕9️⃣9️⃣8️⃣9️⃣5️⃣)
1️⃣9️⃣4️⃣➖6️⃣4️⃣➖1️⃣6️⃣ ТЕЛЕГРАМ РАҚАМИ ОРҚАЛИ ҲАМ ҚОЛДИРИШИНГИЗ МУМКИН.
