Корея Республикасига ишга юбораман деб, фуқароларни алдаган фирибгар ушланди. Бу ҳақида Бош прокуратура маълум қилди.
Бош прокуратура ҳузуридаги Департаментнинг Бектемир тумани бўлими томонидан ўтказилган текширувда, фуқаро М.М. 5 нафар фуқароларни Корея Республикасига ишга юбораман, деб алдаб, улардан 25.550 АҚШ доллари олганлиги аниқланди.
Аммо у олган пулларини шахсий эҳтиёжлари учун ишлатиб, фирибгарлик жиноятини содир этган. Мазкур ҳолат юзасидан М.М.га нисбатан Ўз.Р. ЖКнинг 168-моддаси билан жиноят иши қўзғатилиб, тергов ҳаракатлари олиб борилмоқда.
