Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги директори Комил Алламжонов ва унинг ўринбосари Саида Мирзиёева 77-сонли мактаб-интернати тарбияланувчилари билан учрашишди.
Саида Мирзиёева бу ҳақдаги таасуротларини ўзининг ижтимоий тармоқдаги саҳифаси орқали билдирди:
“Азиз болажонларимиз, бизга дўст бўлиб қолган 77-сонли мактаб-интернат тарбияланувчилари билан яна учрашдик. Уларга «Ko’ngil ko’zi» лойиҳаси доирасида Брайль ёзувида чоп этилган Ўткир Ҳошимовнинг "Муҳаббат" китоби ва қатор дарсликларни совға қилдик.
Болалар билан биргаликда гамбургер ва фри картошкасини едик, кока-кола ичдик. Чин дилдан суҳбат қуриб, қўшиқлар куйладик, шеърлар ўқидик. Ажиб, истеъдодли, иштиёққа тўла болалар! Орзуларингиз ижобат бўлсин, азизларим!” — дея, кўтаринки кайфият берувчи расмлар ҳам улашилган.
