Жорий йилнинг 14 декабр куни соат 8:31 да Жиззах вилояти Фавқулодда вазиятлар бошқармасининг навбатчилик қисмига, «Ғаллаорол-Қўйтош 4Р» йўлининг 42-километрида қорнинг кўп ёғиши оқибатида автобус ва енгил автомобиллар йўлда қолиб кетганлиги тўғрисидаги хабар келиб тушди.
Мазкур мурожаат юзасидан, вилоят Фавқулодда вазиятлар бошқармаси қутқарув гуруҳи зудлик билан воқеа жойига чиқиб кетади.
Олиб борилган тезкор ҳаракатлар натижасида «ИСУЗУ» русумли автобус, «Cобалт» ва «Волга» русумли енгил автомобиллар салонидаги 18 нафар фуқаро эвакуатсия қилинди. Бу орқали, қутқарувчилар содир бўлиши мумкин бўлган яна бир кўнгилсиз ҳолатни олдини олдилар.
