Бугун, 18 декабрь куни Ўзбекистон Электрон оммавий ахборот воситалари миллий ассоциациясининг Медиа-холида “Янги Ўзбекистон – янги сайловлар” мунозара клубининг навбатдаги сессияси бўлиб ўтди.
“Қонун устуворлиги ва инсон манфаатларини таъминлаш мамлакат ривожи ва халқ фаровонлиги гаровидир” мавзусига бағишланган ушбу сессияда Ўзбекистон Республикаси адлия вазири Русланбек Давлетов иштирок этди.
Адлия вазири Р.Давлетов адлия органлари томонидан бугунги кунда амалга оширилаётган норма ижодкорлиги, инсон ҳуқуқларини ҳимоя қилиш, нотариал ва давлат хизматларини кўрсатиш, адвокатура институти мустақиллигини янада ошириш ва ҳуқуқий тарғибот соҳасида амалга оширилган ишлар тўғрисида маълумот бериб ўтди.
Хусусан, хизмат кўрсатиш соҳасида:
– Ўзбекистон Республикасида биринчилардан бўлиб нотариал ҳаракатларни амалга оширишда бармоқ изини сканер қилиш амалиёти жорий этилди.
– Тўлиқ электрон хужжат айланувига ўтилди ва асосий янгиликлардан бири 2020 йил 1 январдан хусусий нотариал идоралар жорий этилади.
2020 йил 1 январдан гаров (ипотека) шартномаларини мажбурий нотариал тасдиқлаш бекор қилинади;
– битимлар турли ҳудуддаги нотариал идораларда туриб видеоконференцалоқа режимида амалга оширилиши мумкин.
ДХМларда эса 2018 йилнинг бошида жами 37 турдаги давлат хизматлари кўрсатилган бўлса, ҳозирга келиб уларнинг сони
120 тага етди (қарийб 3 баравар). 2020 йилга қадар Марказлар орқали 160 дан ортиқ шаффоф, қулай ва тезкор давлат хизматларини кўрсатиш режалаштирилмоқда.
