18-декабрь куни тахминан соат 12.00 да Олмазор тумани Нурафшон кўчасида "Ласетти" русумли автомобиль ҳайдовчиси 30 ёшли Сардор У. пиёдани уриб юборди. Бу ҳақда Тошкент шаҳар ИИББ маълум қилди.
ЙТҲ натижасида 67 ёшли Шарифа Р. тан жароҳатлари олиб тиббий ёрдам учун мурожаат қилди. ЙТҲ сабаби: пиёда йўлна белгиланмаган жойдан кесиб ўтмоқчи бўлган.
“Ҳурматли пиёдалар! Йўлни пиёдалар йўлакчасидан кесиб ўтишингизни сўраймиз. Соғлиғингиз ва ҳаётингизни асранг!” — дейилади расмий хабарда.
