Мактабгача таълим вазирлиги Матбуот хизматининг "Даракчи"га хабар қилишича, 2019 йил 16 декабрь куни Мактабгача таълим вазирлиги ОАВ вакиллари учун уюштирган пресс-тур доирасида Тошкент шаҳри ва Сирдарё вилоятида мактабгача таълим билан қамраб олиш билан боғлиқ муаммолар қандай ҳал қилинаётганлигини кўрсатди.
Сафар дастурига турли хилдаги мактабгача таълим муассасалари (бундан буён матнда МТМ) киритилган.
“Ушбу пресс-турдан мақсад Вазирлик томонидан республикада амалга оширилаётган ишлар натижаларини намойиш этишдир. Икки йиллик фаолиятмиз давомида биз болаларни мактабгача таълим билан қамраб олишни 27% дан 46% гача оширдик. Йил охирига келиб бу кўрсаткични 50 фоизга етказиш режалаштирилган. Қамров 3 йўналишда амалга оширилади: мактабгача таълимнинг муқобил шаклларини жорий қилиш, давлат-хусусий шериклик асосида МТМлар очиш, янги биноларни қуриш ва мавжудларини қайта таъмирлаш", - деди МТВнингМТМ фаолиятини мувофиқлаштириш, таҳлил қилиш ва стратегик ривожлантириш Бошқармаси бошлиғи Елена Тен.
Модулли гуруҳлар, Тошкент
Дастурнинг биринчи банди 324сонли МТМда очилган модулли гуруҳлар бўлди.
"Модулли МТМ- бу денгиз контейнерлари асосида қурилган ёнма-ён бино ёки алоҳида бинолардир. Бу ердаги шароитлар одатий бинолардагидан фарқ қилмайди: иссиқлик изолацияси, иситгичлар ва кондиционерлардан фойдаланиш ҳисобига қулай ҳарорат сақланади, кенг деразалар етарли миқдордаги кун ёруғлигини таъминлайди ва бинонингпардоз қисми экологик тоза, оловга бардошли материаллардан тайёрланган. Бундан ташқари, одатий МТМ қурилиши бир йил давом этади,модулли бино эса 2 ой ичида нолдан қурилади ва жиҳозланади. Агар баъзи мактабгача таълим муассасаларида 800-1000 та бола навбатдатурганини билсангиз, модулларни жорий этиш қанчалик муҳимлигини тушунасиз», - деди МТВ МТМ фаолиятини мувофиқлаштириш, таҳлил қилиш ва стратегик ривожлантириш Бошқармаси бошлиғи Елена Тен.
Модулли бинолар мактабгача таълим муассасаларига ўткир танқислик мавжуд бўлган ёки одатий бино қуриш имконсиз бўлган жойлар учун мўлжалланган.
“Happykids” Оилавий МТМ, Гулистон тумани
"Happykids" хусусий тадбиркор томонидан очилган ва 25 нафар болани ўз ичига олади. Бу бошқа мактабгача таълим муассасалари бўлмаган "Зарбдор" маҳалласида жойлашган, ички ҳовлиси бор оддий уй.
"Оилавий МТМлар бирданига учта муаммони ҳал қилади: биринчидан, улар ҳатто бориш қийин бўлган ва олис жойларда ҳам қисқа вақт ичида мактабгача таълим муассасасини ташкил этиш имкониятини беради, иккинчидан, қишлоқ жойлардаги аёлларни иш билан таъминлайди, учинчидан, оилавий тадбиркорликни рағбатлантириади. Давлат мебель, ақлий салоҳиятни ривожлантирувчи ўйинлар ва ўйинчоқлар, босма материаллар билан таъминлайди, шунингдек тарбиячи ва тарбиячининг ёрдамчисига иш ҳақи тўлайди. Бунинг эвазига тадбиркор кам таъминланган оилалардан маълум миқдордаги болаларни давлат нархида қабул қилади. “Happykids”да, 70 фоиз тарбияланувчиларнинг ота-оналари ойига атиги 72 минг сўм тўлайдилар», - деди ДХШ Бошқармаси бошлиғи Абдуғулом Ҳакимов.
“Болажон” ДХШ асосидаги МТМ, Гулистон тумани
"Болажон" бу икки қаватли катта бино бўлиб, имтиёзли кредит асосида қурилган ва 100 та болани ўз ичига олади. Шунингдек, давлат томонидан мактабгача таълим муассасасига электр ва газ учун 50 фоиз имтиёзлар тақдим этилади. Баъзи ДХШ моделлари ҳар бир бола учун харажатларнинг 50 фоизигачасини қоплашни ва бошқа субсидияларни назарда тутади.
“Бугунги кунда Ўзбекистонда ДХШга асосланган МТМлар сони 6 мингдан ошди. Агар тадбиркор шартнома шартларини виждонан бажарса, кам таъминланган оилалар фарзандларини давлат баҳосида қабул қилса, (“Болажон” МТМда квота 25 фоизни ташкил этади), у ҳолда 30 йилдан кейин мулк унинг хусусий мулкига айланади.
Айни пайтда тадбиркорларга 992 та лойиҳа учун 1628 трлн. сўмлик имтиёзли кредитлар ажратилган. Аммо маблағлар чекланган ва биз доимо молиялаштириш манбаларини қидирамиз. Қиймати 1119 трлн. сўм бўлган яна 420 та лойиҳа навбатда турибди. Бизга бу масалада халқаро молия институтларининг қўшимча маблағларини жалб этадиган Молия вазирлиги ва Инвестициялар ва Ташқи савдо вазирлиги ёрдам бермоқда ”, - деди ДХШ Бошқармаси бошлиғи Абдуғулом Ҳакимов.
"Ақлвой" мобил МТМ, Боявут тумани
2019 йил ноябрь ойидан бошлаб “Ақлвой” МТМлари SamAutoнинг (Исузу НC 40 русумли) автобуслари асосида ишлаб келмоқда. Лойиҳа Ўзбекистоннинг чекка ва бориш қийин бўлган жойларига мўлжалланган.
"Мобил МТМ" кун давомида тумандаги 3 та маҳалла орасида ҳаракатланиб, ҳар бирида 3 соат давомида тўхтайди. Шароитлар жуда яхши: кондиционерлар, мебель, ҳаммом, ҳожатхона. Ўзингиз кўриб турибсиз: яқин атрофдаги маҳаллада чироқ йўқ, аммо автобус қуёш батареялари томонидан тўпланган энергия туфайли ёруғ ва иссиқ. Болалар вақтнинг кўп қисмида махсус жиҳозланган ўйин майдончасида, ёмон об-ҳаво шароитида эса ичкарида машқ қилишади. Автобусларнинг ўзи эса - ёрқин, ранг-баранг бўлиб, у ерда ўйинчоқлар, китоблар, рангли қаламлар мавжуд - биласизми, улар уйида бундай буюмлар йўқ болаларга қанчалар қувонч бағишлайди? ”- ўртоқлашди МТВ МТМ фаолиятини мувофиқлаштириш, таҳлил қилиш ва стратегик ривожлантириш Бошқармаси бошлиғи Елена Тен.
6-сонли МТМ, Янгиер шаҳри
2019 йилда 480 нафар болалар учун мактабгача таълим муассасаси реконструкция қилинди. Асосий бинода капитал таъмирдан ташқари, қўшимча 3 гуруҳ учун бино қурилди. МТМ ота-оналар учун қулай тартибда, яъни эрталабки соат 7 дан кечки 7 гача ишлайди.
"МТВ қурилиш ва реконструкция қилиш орқали мактабгача таълим тизимига қамраб олишни оширишда давом этмоқда. 2018 йилнинг инвестиция дастурига 375 та объект киритилган бўлса, 2019 йилда бу кўрсаткич 470 тани ташкил этди. Бу қўшимча 20 мингта янги иш ўрнини яратиш имконини берди. 2019 йилда 12 та янги мактабгача таълим муассасалари қурилди ва бўш ётган МТМларнинг 53та бинолари реконструкция қилинди. Кўплаб мактабгача таълим муассасалари таъмирлашни талаб қилишда давом этмоқдалар, аммо чекланган бюджет ҳамма жойда ва дарҳол вазиятни тўғрилашга имкон бермайди. МТВ ўта оғир ҳолатлар учун маблағларни йўналтиришга мажбур », деди МТВ МТМ фаолиятини мувофиқлаштириш, таҳлил қилиш ва стратегик ривожлантириш Бошқармаси бошлиғи Елена Тен.
Болаларни мактабгача таълим билан қамраб олиш даражасини ошириш бўйича шунга ўхшаш тадбирлар Вазирлик томонидан Ўзбекистоннинг барча минтақаларида амалга оширилмоқда.
