Хабарингиз бор, ижтимоий тармоқларда куни кеча ўлдириб кетилган Ўзбекистонда таниқли бўлган дизайнернинг жасади билан боғлиқ фото ва видеолар пайдо бўлди. Айни пайтда Тошкент шаҳар прокуратураси ушбу ҳолатга ойдинлик киритди.
Келтирилишича, Тошкент шаҳар прокуратураси томонидан жорий йилнинг 15 январь куни ижтимоий тармоқларда хусусан, “Instagram”, “Facebook” ва “Telegram” каналларига жойлаштирилган иш ўрганувчиларни жиноят содир бўлган воқеа жойига олиб чиқиб ўқитиш жараёнида олинган суратлар асосида тайёрланган видеоролик ички хизматда фойдаланиш учун тайёрланган бўлиб, расмий каналга жойлаштириш учун тайёрланган бошқа 4 та материал билан биргаликда оператор хатоси билан юкланган.
Шу сабабли, Тошкент шаҳар прокуратураси зудлик билан ушбу видеороликни расмий каналдан олиб ташлаш чораларини кўрди ва фуқаролардан мазкур ҳолат учун узр сўрайди.
