Наманганда қарздорлиги учун​ 75 та хонадон газ таъминотидан узилди​

Наманган шаҳрида ўтказилган тадбир давомида 75 та хонадон салкам 94 миллион сўм табиий газдан қарздорлиги учун газ таъминотидан узилди. Бу ҳақда Бош Прокуратура ҳузуридаги Мажбурий ижро бюроси маълум қилди. 
​Тадбирларда электр, газ узатиш ва тақсимлаш тармоқларига ноқонуний уланиш, талон-торож ҳолатларини аниқлаш, бартараф этиш бўйича тузилган гуруҳ фаол иш олиб бормоқда.

​Наманган шаҳрининг Зарбдор маҳалла фуқаролар йиғинида табиий газ истеъмолчилари 1304 тани ташкил этади. Қарздор хонадонлардаги газ энергия ресурсларидан фойдаланиш ҳолати ўрганилганда, фуқаро С.Турғунованинг табиий газдан қарздорлиги 1 миллион 100 минг сўмдан ошгани аниқланди. Истеъмолчи хонадон қарздорликни тўлаш қобилиятига эга бўлса-да, турли баҳоналар билан тўловни амалга оширмай келгани аниқланди.

Ишчи гуруҳ томонидан олиб борилган чоралар натижасида мазкур хонадон тўловни ўз вақтида амалга оширмагани учун газ таъминотидан вақтинча узиб қўйилди.