Қашқадарёда мактаб ўқувчилари обунага мажбурланаётгани айтилмоқда.
Бу ҳақда «Дарё»га ота-она мурожаат қилган. Унинг айтишича умумтаълим мактабининг 1—6-синф ўқувчилари журналга обуна бўлишга мажбурланмоқда. Сайт мурожаатчининг сўзларидан иқтибос келтиради:
Ўзим мактабга бориб вазиятни ўргандим, обунага пул мажбурий тарзда йиғиляпти, — дейди мурожаатчи.
Мурожаатчининг маълум қилишича, ўқувчини обунага мажбурлаш туманнинг Қозоқли қишлоғидаги 14-мактабда содир бўляпти.
— Энг ачинарлиси 1-синф ўқувчиси ҳам обунага мажбурланяпти, — дейди мурожаатчи. — Давлат мактабидаги масъуллар қаерга қараяпти?
«Тақдим этилган суратдан англашилишича, 4 та нашр номи ёзилган қоғозда барча нашрлар нархи бир хил эканлиги қайд этилган. Нашрларнинг бир йиллик обуна баҳоси 90 минг сўмни ташкил этса, 3 ойлик обуна нархи 22 минг 500 сўмлиги ёзилган.
— Мазкур қишлоқдаги кўпчилик ота-оналар ишламайди, ҳатто 22 минг сўмни беришга ҳам қийналади, — дейди мурожаатчи.
Мурожаатчининг эътирозлари асослими, бу вазиятга ким йўл қўйган? Масъуллар бунга қандай изгоҳ беради?
