Яна ўша муаммо. Хитойда тарқалган короновирус яна 26 кишининг умрига зомин бўлди, дея хабар берди ОАВлар, дейилди "Марказий студия" кўрсатувида.
Олимлар мазкур касалликнинг кўз шиллиқ пардасидан юқишини аниқлашди. Касаллик 7-10 кундан кейин авжига чиқади. Ниқоб тақиш, қўлни ювиб юриш вирус тарқашининг олдини олиши мумкин, бироқ қўлдаги вирус кўзга ишқаланса, у кўз шиллиқ пардасидан ҳам юқиши маълум бўлди. Куни кеча Пекин-Тошкент йўналиши бўйича яна бир рейс амалга оширилди. Аэропортга Хитойдан йўловчилар келган. Хитойнинг Тайжунь шаҳридан поездда Пекинга келаётган ҳамюртларимиз Ухан шаҳрига ҳам тўхтаб ўтишган. Пекин шаҳрида ҳам учишдан илгари текширув бўлмаган, йўловчилар Тошкент аэропортига келиб қўнгандан кейин ҳам уларни ҳеч ким текширмаган. Кўрсатувда шу ҳақда сўз юритилди.
