Ўзбекистон ИИВ ЙҲХББ 21—31 январь кунлари давомида мамлакат ҳудудида юз берган йўл транспорт ҳодисалари бўйича статистик маълумотларни тақдим этди.
Унга кўра, 10 кун ичида жами 125 ЙТҲ содир этилган бўлиб, уларда 54 киши ҳалок бўлган, 93 нафари эса турли даражада тан жароҳатлари олган. Шундан энг кўп ЙТҲ пиёдалар иштирокида бўлиб, 55 та ҳолатни қайд этган. Болалар иштирокидаги ЙТҲлар сони 12 тани ва маст ҳайдовчилар сабабли содир бўлган ЙТҲлар сони 2 тани ташкил этган.
Эслатиб ўтамиз, 11—20 январь кунлари эса 141 ЙТҲ содир этилиб, уларда 25 нафар одам ҳалок бўлган эди.
