Бугун тонгда, маҳаллий вақт билан соат 04:40да Хитойда короновирус инфекциясининг авж олиши муносабати билан Uzbekistan Airways авиакомпаниясининг чартер рейси Пекиндан Тошкентга учиб келди. Бу ҳақда “Ўзбекистон ҳаво йўллари” МАК маълум қилди.
Самолёт бортида 251 нафар йўловчи, экипаж аъзолари ва замонавий ҳимоя воситалари билан таъминланган тиббиёт вакиллари бўлган.
Соғлиқни сақлаш вазирлигида таъкидланганидек, карантин вақтида келганлар билан фақат тиббий ходимлар боғланишади.
Йўловчиларнинг вақтинча турар жой марказида бўлишига оид саволлар учун қуйидаги рақамларга қўнғироқ қилинг: (71) 276 49 66
