Таниқли тадбиркор Мурод Назаров чет элда меҳнат қилаётганларга ютуб канали орқали маслаҳат берди.
– Умрингизни пулга сотманг. Умрингизни вақтга сотиб қўйманг. Хорижда ишлаш баробарида пулмас, тажриба, билим, “ноу-хау” олиб келинг.
Россияда қурилишда ишлаётгандирсиз, у ерда ҳам бир нарса ўрганишга интилинг.
Эсимда, Россиядан ҳар биттасини 1,5 доллардан олиб келиб, сопол ғиштлардан уйларни қурганмиз. Шунда Ўзбекистонда шунча усталар бўлишига қарамай, ғиштларни тера олмаган. Россияда ишлаб қайтган гуруҳни оддий ғиштнинг пулидан 5 баробар кўпроқ ҳақ бериб ёллаганмиз. Шу ғиштчилар ҳам ишни оддий ғиштларни теришдан бошлагандир. Лекин уни устига қўшимча яна шу касбни янги техникасини ўрганган. Улар бошқалар ечимини бера олмаган ечимни тақдим этди.
Бундай одамларнинг қадри ҳамиша баланд бўлади.
Ҳар қандай соҳада ишлашингиздан қатий назар пулни ҳалол ишлаш баробарида билим ва тажриба йиғинг. Иш жойингиз сизга илм манбаи бўлиб хизмат қилсин…
