Албатта бу видеони бобомиз Мирзо Бобурнинг туғилган куни нишонланаётган пайтда томоша қилиш жуда оғир. Менинг юртим телеканали мухбирлари томонидан тайёрланган видеолавҳада Андижон вилоятидаги Заҳриддин Муҳаммад Бобурнинг музейининг абгор аҳволини кўришингиз мумкин. Ушбу музейни таъмирлаётган қурилиш ташкилоти тўлиқ маблағ билан таъминланмаганлиги сабаб ишни охирига етказмасдан ташлаб кетган.
Таъмирланган жойлар ҳам ҳаминқадар. Бир йил бўлмасданоқ шувоқлар нурай бошлаган. Канализацияга уланмаган ҳожатхоналар кишининг табини ҳира қилади.
Ушбу видеолавҳани томоша қилар экансиз, буюк алломанинг таваллуд айёми фақат баланпарвоз сўзларда қолиб кетаётганлигидан ҳавотирга тушасан.
