Жанубий Кореянинг собиқ президенти Ли Мён Бак порахўрлик ва маблағларни ўзлаштиришда айблангандан кейин суд белгилаган 17 йиллик муддатни ўтказиш учун яна панжара ортига қайтди.
Прокуратура собиқ давлат раҳбарини ўзи акциядори бўлган автомобиль эҳтиёт қисмларини ишлаб чиқарувчи DAS компанияси маблағларини ўзлаштирганликда гумонланди. Шунингдек, у мамлакатга президент бўлган 2008-2013 йилларда Samsung Electronics компаниясидан пора олганликда ҳам айбланди.
2018 йил октябрь ойида Сеул Марказий суди Ли Мён Бакни 24,6 млрд. вон ($21,7 млн)ни ишлатиб юборганликда, шунингдек, 11 млрд. вон ($10 млн) миқдорида пора олганликда айблаб, 15 йил қамоқ жазосини белгилаган эди. Бироқ 2019 йил март ойида у соғлиги ёмонлашгани сабабли гаров эвазига озод этилганди.
20.02.2020 04:35
Жанубий Кореянинг собиқ президенти порахўрлиги учун 17 йилга қамалди
