Мамлакатимизнинг Россиядаги Элчихонаси Консуллик бўлими Москва шаҳрида икки нафар вояга етмаган фарзанди билан ҳужжатсиз қолиб кетган Ўзбекистон фуқароси С.Ш. тўғрисида ОAВда тарқалган хабарни тасдиқлади, дея маълум қилди ТИВ.
У доимий равишда дипломатик миссияга мурожаат қилган, лекин зарур ҳужжатларни расмийлаштириш учун Элчихонанинг қўнғироқларига жавоб бермаган.
Ҳозирги пайтда ушбу аёл билан алоқа ўрнатилган ҳамда у ва унинг фарзандларини ватанга қайтариш билан боғлиқ консуллик-ҳуқуқий ва ташкилий масалалар ҳал қилинмоқда.
Консуллик-ҳуқуқий департаменти эслатиб ўтадики, Россиянинг Марказий федерал округи ҳудудидаги фуқароларимиз зарур вазиятларда Москва шаҳридаги Элчихонага қуйидаги телефон рақамлари орқали мурожаат қилишлари мумкин: : +7 499 230-00-76, +7 499 238-36-20
