Куни кеча ижтимоий тармоқларда “Ҳафа бўлиш йўқ” кўрсатувиринг навбатдаги сонидан қисқа лавҳа тарқалди. Унда “Миллион” гуруҳи аъзосига “маска-шоу” уюштирилгани акс этган. Қаҳрамон йигит эса лавҳа охиригача қаттиқ ғазаблангани кўринади.
Жамоатчилик томонидан ушбу ҳолат кенг муҳокама қилинди. Хатто муносабат билдирилган турли аудиолар ҳам пайдо бўлди.
Шундан сўнг, ИИВ Матбуот котиби Шохруҳ Ғиёсов ушбу кўрсатув ижодкорлари билан учрашиб, вазиятга ойдинлик киритди. Яъни ушбу қалтис ҳазилдан кўзланган мақсад сўралди.
Муаллифларнинг айтишича, кўрсатувнинг ушбу сони 1 март — Халқаро гиёҳвандликка қарши кунига бағишланиб, ушбу ҳолатлар орқали ёмон иллатлардан, оғир вазиятларга тушишдан қайтариш мақсадида шундай сценарий танланган.
