“Ўзбекнефтгаз” АЖга қарашли нефтбазалар ҳолати танқидий ўрганилиб, улардаги хизмат кўрсатиш сифати яхшиланмоқда. Бу ҳақда жамиятнинг Матбуот хизмати хабар бермоқда.
Олиб борилган ишлар натижасида, “Андижон нефт базаси” МЧЖ, “Урганч нефт базаси” МЧЖ, “Қарши нефт базаси” МЧЖ ҳамда “Мароқанд нефт базаси” МЧЖга қарашли “Фермерларга ёқилғи тарқатиш шохобчалар”и (ФЁТШ)да қайта таъмирлаш ва ободонлаштириш ишлари бажарилди.
Таъкидлаш керакки, ҳозирда ушбу “Фермерларга ёқилғи тарқатиш шохобчалар”и фермерлар учун хизмат кўрсатишга тўлиқ тайёр кўринишга келтирилди.
