Коронавирус сабаб Юлдуз Усмонованинг концерти тўхтатилди, деб хабар берди “Ўзбекконцерт".
Маълумки 2020 йилнинг 10 март куни “Халқлар дўстлиги” санъат саройида Ўзбекистон халқ артисти Юлдуз Усмонованинг 15 кунлик концерт дастурига старт берилган эди. Айни пайтда Ўзбекистонда оммавий тадбирлар бекор қилингани, карантин тартибини бузганлик учун чора кўрилиши маълум қилинди.
Ш муносабат билан “Ўзбекконцерт” давлат муассасаси директори Одилжон Абдуқаҳҳоровнинг маълум қилишича, Юлдуз Усмонованинг концерти эртага, 16 мартдан эътиборан тўхтатилади.
