Мамлакатимиз ҳудудида коронавирус тарқалишининг олдини олиш мақсадида Ўзбекистондаги барча кинотеатрлар ёпилади. "Ўзбеккино" Миллий агентлиги фуқароларга фильмларни томоша қилишнинг муқобил йўлларини таклиф қилмоқда
Ўзбекистон ҳукумати томонидан "Covid-19" коронавирусининг тарқалишининг олдини олиш бўйича белгиланган чора-тадбирларга кўра, "Ўзбеккино" Миллий агентлиги мамлакатдаги барча кинотеатрларнинг фаолиятини вақтинча тўхтатади.
Миллий агентлик давлат ва нодавлат телеканаллари орқали кинотеатрларда намойиш этилаётган ҳужжатли, бадиий ва анимацион фильмларни теледастурлар эфир жадвалига киритиш лойиҳасини ишлаб чиқмоқда.
“Ўзбеккино" Миллий агентлиги матбуот хизматидан маълум қилишларича, ташкил этилаётган лойиҳага кўра," Ўзбеккино " Миллий агентлиги томонидан давлат ва нодавлат телеканалларига телевизион намойиш қилиш учун бадиий, ҳужжатли , мультиплакацион фильмлар ва бошқа кино маҳсулотларинининг беғараз асосда етказиб бериладиган махсус пакети шакллантирилган.
Эслатиб ўтамиз, 15 март куни соат 6.00 да Республика Вирусология институтида лабораториясида Францияда бўлиб қайтган ҳамюртимиз қонида короновирус борлиги қайд қилинган эди.
