Олий ва ўрта махсус таълим вазирлиги ҳамда тегишли вазирлик идоралар билан ҳамкорликда Тошкент шаҳридаги олий таълим муассасаларида таҳсил олаётган талабаларни доимий яшаш жойларига кузатиш ишлари давом этмоқда.
Айни вақтга қадар 30 минг нафарга яқин талаба марказлаштирилган тартибда Тошкент шаҳридан ўзлари яшайдиган вилоятларга жўнаб кетди.
Қайд этиш лозим,олдинроқ барча олий таълим муассасалари (ОТМ), академик лицей ва касб-ҳунар коллежларида 2020 йил 16 мартдан эътиборан ўқиш тўхтатилиб, ўқувчи-талабалар икки ҳафта муддатга (ҳозирча) таътилга чиқарилиши ҳақида хабар берилганди.
Тошкент шаҳрида таҳсил олаётган ўқувчи-талабалар автобус, поезд ва самолётларда доимий яшаш жойларига қайтиши учун қуйидаги манзилларда имтиёзли чипталар сотилиши йўлга қўйилган:
ЎзМУ, вазирлик ҳузуридаги «Маънавият ва маърифат» Маркази, ТДТУ (ТТЖ), ЎзДЖТУ, ТТА (ТТЖ ва ўқув биноси), ТИҚХММИ (ТТЖ), ТДПУ (ТТЖ).
Талабаларни жўнатиш ишлари давом этмоқда.
