Жаҳон соғлиқни сақлаш ташкилоти (ЖССТ) бош директори Тедрос Адан Гебреисус коронавирус инфекциясига қарши вакцинани синовдан ўтказиш бошланганини эълон қилди.
"Биринчи эмлаш синовлари вируснинг генетик кетма-кетлиги тарқалгандан 60 кун ўтгач бошланди. Бу тасаввур қилиб бўлмайдиган ютуқ”, деди у матбуот анжуманида.
ЖССТ раҳбари, шунингдек, дунё миқёсидаги тадқиқотчиларни экспериментал дориларни тизимли равишда баҳолашга чақирди.
2019 йил декабр ойининг охирида Хитойнинг Ухан шаҳрида коронавирус тарқалиши юз берди ва 150 дан ортиқ мамлакатга тарқалди.
Сўнгги маълумотларга кўра, 200 мингдан ортиқ одам юқтирган, саккиз мингдан кўпроқ одам вафот этган. Россияда 147 та юқтириш ҳолати аниқланди.
