Ўзбекистоннинг Туркиядаги Элчихонаси мамлакатда бўлиш муддати тугаган фуқароларимиз учун муддатни 10 кунга узайтириш ва жарима ундирмаслик бўйича нота берди.
Ўзбекистон Республикасининг Туркиядаги элчихонаси авиақатновларнинг вақтинчалик тўхтатилиши натижасида Туркиядан Ўзбекистонга қайта олмаган фуқароларимизнинг ҳуқуқ ва манфаатларини муҳофаза этиш юзасидан турк томони билан музокаралар олиб борилаётганини билдирди.
Элчихона Туркия Ташқи ишлар вазирлигига нота билан мурожаат этиб, рухсат берилган муддатдан (яъни 90 кундан) ортиқча вақт Туркияда қолишга мажбур бўлган Ўзбекистон фуқароларининг чартер рейслари бошлангунга қадар Туркияда бўлиш ҳуқуқини истисно равишда узайтириш ва улардан жарима ундирмаслик масаласини кўриб чиқишни сўради.
Шу муносабат билан, рухсат берилган муддатдан ортиқча вақт Туркияда қолишга мажбур бўлаётган ватандошларимиздан хавотирга берилмасликни сўраймиз ва зарур ҳолларда ушбу нотани турк расмийларига тақдим етишлари мумкинлигини билдирамиз.
