Пойабзал тузатиш устаси аёл киши эканлигини ҳеч кўрганмисиз?
Албатта кўрган бўлишингиз мумкин, лекин камдан-кам ҳолатларда.
Эргашой Ражабова Косон тумани деҳқон озиқ-овқат бозоридаги йўлакда 8 йилдан бери устачилик қилади, дейилган Косон тумани ҳокимлиги Ахборот хизмати хабарида.
-Пул топишнинг айби йўқ, муҳими меҳнатингиз ҳалол бўлсин,- дейди Эргашой Ражабова.
Косон тумани ҳокими Асрол Бойкараев бозор фаолиятини ўрганиш давомида Эргашой Ражабова иш фаолиятини кузатди. У билан суҳбатлашиб, оилавий шароитини ўрганди. Меҳнат қилиши учун барча зарур имкониятлар яратиб берилишини айтди.
