Жорий йилнинг 16 март куни А.А. исмли фуқаро Жанубий Корея давлатидан Россия Федерациясининг Москва шаҳрига келиб, сўнгра у ердан “Шерметова-Самарқанд” йўналишида самолётда Ўзбекистон Республикасига кириб келгач, янги турдаги COVID-19 коронавирус касаллиги бўйича Самарқанд вилояти юқумли касалликлар шифохонасига 14 кунга карантинга олингани, аммо, карантиннинг бешинчи кунида, яширин равишда шифохонадан қочиб кетган ва Денов туманидаги яшаш манзилида қўлга олинган.
Ҳозирда А.А. исмли фуқаро Денов тумани юқумли касалликлар шифохонасида карантинга олинган. Денов тумани тиббиёт бирлашмаси бошлиғи Исмоил Юсуповнинг маълум қилишича, фуқаро шифокорлар назоратида бўлиб, унда COVID-19 коронавирус касаллиги қайд этилмади.
