Гинекологлар аёлларга онлайн маслаҳат беришни йўлга қўйишди

Республика ихтисослаштирилган акушерлик ва гинекология илмий-амалий тиббиёт маркази ҳам 27 мартдан беморларга масофавий консультация беришни бошлади. Бу ҳақда Тошкент шаҳар ҳокимлиги хабар бермоқда.

Марказнинг расмий интернет саҳифасида соат 9.00 дан 18.00 га қадар ҳар куни (якшанбадан ташқари) олий тоифали акушер-гинеколог шифокорлар томонидан онлайн консультациялар бериб борилмоқда.

Олтита навбатчи мутахассисдан бирига ўз саволларингизни беришингиз мумкин.