Аввал хабар берганимиздек, пойтахтимизда ташкил этилаётган кўчма савдо ярмаркаларида аҳолимизнинг коммунал хизматлар учун тўловларни амалга оширишлари учун МИБ сайёр кассалари ишга туширилганлиги маълум қилинган эди.
Бу жараён фуқаролардан келиб тушаётган мурожаатлар ва талаб-истакларига кўра яратилди. Эндиликда, ярмаркага келган фуқароларимиз фойдаланган электр, газ ва маиший чиқиндилар хизмати учун тўловларни – МИБ Тошкент шаҳар бошқармасининг ҳудудий туман бўлимлари жойларда ташкил этган сайёр кассалари орқали нақд ва пластик карточклари орқали амалга оширишлари мумкин. Бу ҳақда МИБ ахборот хизмати хабар бермоқда.
Мисол учун, 7 апрель куни пойтахтимизнинг Юнусобод туманининг “Оқтепа”, “Бободеҳқон, “Шайх Шивли” ва “Анорзор” маҳаллаларида ташкил этилган сайёр ярмаркаларда иштирок этган фуқароларнинг 20 нафардан ортиқ фуқаролар бир йўла ўзларининг коммунал хизматлар учун 21 млн. сўмдан ортиқ тўловларини қилишга улгуришди.
Маълумот учун айтиш керакки, уйда қолиб энергия ресурслари сарфи учун ҳисоб-китоб қилиш ва масофадан онлайн тарзда тўловни ҳам амалга ошириш мумкин.
Telegram’даги “@mibuzbot” боти “mib.uz” расмий сайти орқали онлайн тарзда ҳисоблагич кўрсаткичларини расмга олиб юбориш ва электр энергияси, табиий газ ҳамда қаттиқ маиший чиқинди хизматлари юзасидан абонент ҳисоб-рақам ҳолатини текшириш ва ҳисоблагич кўрсаткичларини фотосуратга олиб жўнатиш билан бирга онлайн тўловни ҳам амалга ошириш мумкин.
