Айни кунларда хорижда бўлиб турган фуқароларимиз Тошкент вилояти, Тошкент туманидаги “Ғишткўприк” чегара-божхона маскани орқали республикамизга қайтариб олиб келинмоқда.
Вилоят ҳокимлигининг ахборот хизмати “Даракчи”га хабар қилишича, ушбу чегар-божхона масканида ҳар куни 50-60 кг атрофида ош дамланиб, бир марталик идишларда юртимизга кириб келаётган фуқароларга улашилмоқда. Ушбу тадбирларга туман ҳокимлиги, саховатли инсонлар ҳам ўз хиссаларини қўшмоқда.
Сафардан қайтаётган юртдошларимиз иссиқ овқат танаввул қилган ҳолда вилоятдаги ҳамда Тошкент шаҳридаги карантин ҳудудларига кузатиб қўйилмоқда.
