Бугунги кунда дунё ҳамжамиятини ташвишга солаётган коронавирус пандемиясига қарши курашиш, ундан сақланишда ниқобларни тўғри танлаш ва фойдаланиш муҳим ҳисобланади. Италиянинг Maeko tessuti компанияси ўз шифокорлари учун каннабисдан ишлаб чиқилган ниқоблар тикмоқда. Бу ҳақда компаниянинг Facebook ижтимоий тармоғидаги саҳифасида хабар қилинди.
Тадбиркорларнинг фикрига кўра, каннабиснинг табиий матоларидан тайёрланган ниқоблари антибактериал хусусиятларга эга, экологик тоза ва қайта ишлатилади.
Компания дастлаб ишлаб чиқарилган ниқобларни сотувга чиқаришни режалаштирган эди, аммо, баъзи шифохоналарда ҳатто қоғозли ниқобларнинг бўлмагани сабабли ниқоблар шифокорларга беғараз тарқатилди. Ниқоб табиий бўлиб, ҳаво ўтказувчи, вирусдан ҳимоя қиливчи барча талабларга жавоб бера олади.
Компания вакили Maeko Синсия Висмаронинг билдиришича, каннабис - бу табиий антибактериал хусусиятга эга бўлиб, турли ёқимсиз ҳидларни бартараф этади. Бу борада мавжуд бир неча илмий-тадқиқотлардан хулоса қилиш мумкинки, каннабиснинг антибактериал хусусиятлари унинг толаларидан тўқималарга ўтказилишини тасдиқловчи бир қатор илмий тадқиқотлар мавжуд.
Яқинда каннабисдан олинган тиббий ниқобларнинг сифати янада яхшиланди: улар нейлоннинг ички қатлами билан тўлдирилиб, уларни сув ўтказмайдиган қилиб қўйишди. Бироқ, ишлаб чиқарувчи таъкидлаганидек, ниқобларни йўқ қилиш керак бўлганда, унинг нейлон қатлами олиб ташланиши талаб этилади.
Бир неча кун аввал Кальяри поликлиникасига компаниянинг янги - такомиллаштирилган ниқоблари келтирилди. Қайд этилишича, короновирус пандемияси билан курашиш якунланиши билан сайёрамизда экологик муаммо, яъни лабораторияда қўлланилаётган қўлқоплар, устки кийимлар, ниқоблар ва бошқа муҳим бўлган буюмларнинг йўқ қилиниши масаласи юзага келади.
Италиянинг яна бир компанияси томонидан каннабис мойи ва бошқа эфир мойлари асосида қўллар учун антибактериал восита ишлаб чиқармоқда. Инновацион хусусияти шундаки, эритмада терини қуритадиган, узоқ муддат фойдаланиш билан унинг ҳолатига салбий таъсир кўрсатадиган спирт мавжуд эмас. Маълумотларга қараганда, Freia Farmaceutici компанияси дастлабки 4 минг қадоқланган гелни сотувга чиқарди, яқинда яна 40 минг қадоқланган маҳсулот бозорга етказиб берилади.
