Тошкентда 10 апрелдан иситиш тизими ўчирилиши ҳақидаги хабар рад этилди

Ижтимоий тармоқларда иситиш мавсумининг 2020 йил 10 апрель куни якунланиши ҳақида хабарлар тарқалмоқда.

Шу асосида келиб тушаётган мурожаатлар юзасидан Тошкент шаҳар ҳокимлиги иситиш мавсуми давом этаётганини, марказий иситиш таъминоти ўчирилиши режалаштирилмаётганини маълум қилди.  

Тошкент шаҳар ҳокимининг иситиш мавсумининг якунланиши ҳақидаги қарори оммавий ахборот воситаларида олдиндан эълон қилинади.