Жорий йилнинг 8 апрелдан 9 апрелга ўтар кечаси Қашқадарё вилояти Чироқчи тумани марказида ёғингарчилик сабабли техник носозлик юзага келиб, туман вақтинча электр таъминотидан узилган.
Бу вақтда хизмат вазифасини ўтаётган Миллий гвардия Қўриқлаш бошқармаси ходимлари Чироқчи туман Мустақиллик кўчасида жойлашган «MEGAGOLD-TECH» МЧЖга қарашли дўкон кириш эшигининг қулфи бузиш йўли билан очилганлигини аниқлаган. Ғайриқонуний равишда магазинга кириб ўғирлик қилган номаълум шахс дўкондан чиқиб кетмоқчи бўлиб турган бир пайтда воқеа жойида ашёвий далиллар (2 100 000 сўм ва SАMSUNG A-10 русумли уяли телефон аппарати) билан қўлга олинган.
Ушланган шахс Чироқчи туман ички ишлар бўлимига ўрнатилган тартибда топширилган. Ҳозирда ҳолат юзасидан суриштирув ишлари олиб борилмоқда.
