Чернобил ҳудудидаги ёнғин тутуни Киевгача етиб борди

NASA Украина шимолида содир бўлган ёнғиннинг сунъий йўлдошдан олинган расмларини эълон қилди.

Хабар қилинишича, суратлар 8 апрель куни олинган, аммо Чернобил ҳудудидаги ёнғинлар ҳанузгача ўчирилмаган, ҳозирда юзлаб ўт ўчирувчилар у ерда ишлашда давом этмоқдалар.

Ёнғин ҳудудидан чиққан тутун аллақачон Киевгача етиб борган. Айрим қишлоқларнинг аҳолисини эса эвакуация қилишга тўғри келган.

Қайд этилишича, радиация даражаси меъёридан ошмаган, буни Беларусда ҳам тасдиқлашмоқда.