АҚШ ва Канададаги ватандошларимиз “Биз Ўзбекистонга бефарқ эмасмиз!” номли акция бошлашди

Ўзбекистоннинг Вашингтондаги элчихонаси ҳамда Нью-Йоркдаги консуллиги ташаббуси билан АҚШ ва Канададаги ватандошларимиз хайрли ишга қўл уришибди.

Улар мамлакатимиз Ҳукуматига коронавирус касаллигини бартараф этишда кўмаклашиш мақсадида АҚШда кенг оммалашган «Go Fund Me» махсус платформасида «Биз Ўзбекистонга бефарқ эмасмиз» шиори остида акция бошлашибди. Мазкур акция давомида тушадиган маблағлар «Ўзбекистон Меҳр-шафқат ва саломатлик» фондининг махсус ҳисоб рақамига ўтказиб берилар экан.