Британия шаҳзодаси Уильям ва унинг рафиқаси Кембриж герцогиняси Кэтринлар оиласида қиз фарзанд дунёга келди. Бу ҳақда қироллик оиласининг Twitter’даги расмий саҳифасида хабар қолдирилган.
Қизалоқ 2 май куни Лондоннинг Авлиё Мария касалхонасида 3,7 килограмм вазн билан дунёга келди.
Бу герцог ва герцогинянинг иккинчи фарзанди бўлиб, биринчи фарзанд бундан икки йил аввал 2013 йилда дунёга келган. Қизалоқ Кембриж маликаси номига сазовор бўлади.
